2026 ийыште шошым Марий Элысе чодыралаште шындаш 10 миллион утла кушкылым куштен ямдылыме.
Регионысо Пӱртӱс поянлык, экологий да йырым-йырысе средам аралыме министертсвыште «Чодыра-влакым аралыме» проектын кокла иктешлымашыжым ыштеныт. Кызыт кундемыштына чодырам шотыш кондымо да шарыме кумдык 4112,7 гектарыш шуэш. Тачысе кечылан 6,8 миллион штук кушкылым шындыме, тушеч 6,6 миллионжо – иман пушеҥге. Шушаш ийыште шошым шындышашлык материалым куштымо. Тылеч посна 368,7 килограмм нӧшмым ямдылыме.
Министерстве тыгак палдара, кундемыштына кажне ийын 3,3-3,5 тӱжем гектар чодыра руалтеш. Пустаҥше чодырам у пушеҥге-влак дене пойдарыме годым пожар годым йӱлышӧ, шукш-копшаҥгын пытарыме кумдыкымат шолтат.
freepik сайт гыч налме фото.