Кызыт, калык рецептлан эҥертен, пӧлемысе кушкыллан тӱрлӧ ӱяҥдышым пуаш лиеш.
Муно шӱмым кудалташ ида вашке. Тудо кальцийлан, фосфорлан, белоклан поян. Муно шӱмын плёнкыжым кораҥдыза да икмыняр кече коштыза. Вара порошок лиймеш тыгыдемдыза. 1 стакан тыгыдемдыме муно шӱмыш 40 градусан 1 литр шокшо вӱдым опталза да кок арня шинчыктыза, тыгодым жапын-жапын пудыратыза. Тиде ӱяҥдышым кушкылыш тылзеш ик гана шавыман.
Сакырложаш гыч ыштыме ӱяҥдыш кушкыллан вийым пуа. Тушто глюкозо уло. Тыге пеледыш-влак пайдале веществам сайынрак налаш, кушкаш, «шӱлаш» тӱҥалыт.
Сакырложашым мландыш кышкаш, вара ӱмбакше вӱдым шаваш лиеш. Тыгак настойым ышташ сай: 0,5 л вӱдыштӧ 1 кугу совла сакырложашым шулыктараш кӱлеш. Сакыр вӱдым тылзеш ик гана шавыман.
Ру кушкыллан кушкаш полша. 1 литр леве вӱдеш 10 грамм рум, 1 кугу совла сакырложашым шулыктарыза да кушкылыш шавыза.
Ломыжышто тӱрлӧ микроэлемент уло. Кушкылым шындыме годым тудым рокыш ешараш лиеш. Тыгак ӱяҥдышымат ышташ пайдале. 1 литр вӱдыштӧ 1 кугу совла ломыжым шулыктарыза. Пӧлемысе кушкылын начарешташ, тӱлыжганаш тӱҥалмыж годым кушкылын йымал ужашышкыже шыжыктыза.