МарГУ-што «Приоритет-2030» программе почеш «Языки. Культуры. Этносы» тӱнямбал форум мучашлалтын. Тудо Марий Эл Республикыште кусарыше-влакым 25 ий ямдылымылан пӧлеклалтын.
Форум годым кусарымаш, тӱнясе йылме сӱрет, художественный текст, образовательный технологий йодышлам шымлыше-влакым ушышо тӱнямбал конференций лийын. Кусарыше преподаватель-влакын пашаштым каҥашыме. Тыгак 18 йылме дене (китай, япон, армян, француз да молат) мастер-класс эртаралтын, нунын коклаште улыт.
Ик эн оҥай форматлан кулинарный турнирым шотлымо. Тушто тӱрлӧ эл гыч 34 участник шке калыкшын кочкышыжым ончыктен. Нуно ты презентацийым муро, куштымаш дене сӧрастареныт.
Форумыш 3500 еҥ ушнен. Лӱмлӧ эксперт-влакын ушнымышт мероприятийлан кугу акым пуа.
А ик кӱлешан событийже – МарГУ ден Кусарыше преподаватель-влакын ассоциаций кокдаште вашла пашам ыштыме шотышто ойпидышым подписатлымаш. Тидыже тӱрлӧ йодыш дене пашам чак ышташ да Российыште кусарымашым туныктышо методике школым почаш полшышаш.