Волгоград областьыште Российысе молодёжный Спартакиадын финалже эртен. Тушко элнан 52 регионжо гыч 700 наре еҥ ушнен.
14-17 ияш ӱдыр ден рвезе-влак 100 да 3000 метрым куржыныт, 50 метр дистанцийыште ийын таҥасеныт. Тыгак подтягиванийым ыштеныт, гранатым кышкеныт, пневматический винтовко дене лӱйкаленыт, автоматым погеныт да ронченыт, строевой подготовкыш ушненыт.
Марий Эл гыч тушко Волжский район гыч рвезе-влакын командышт миен коштын. Команде дене нуно 16-шо верым налыныт, общекомандный зачётышто – 27-ше верым.