12 апрельыште рӱдолаште куштылго атлетике дене йӱд куржталмаш лийын. Ты акций Космонавтикын кечыжлан, айдемын икымше гана космосыш чоҥештымыжлан 61 ий теммылан пӧлеклалтын.
Тудым ола администрацийын да куржталаш йӧратыше-влакын «Айвика» клубыштын полшымышт дене В.И.Ленин лӱмеш тӱвыра полатын пашаеҥже-влак эртареныт. Тудо Сеҥымаш паркыште лийын. Тушко кажне кумылан еҥ ушнен кертын. Старт 20 шагатлан «Труженикам тыла» чапкӱ гыч тӱҥалын. Участник-влак вич меҥгым куржыныт.