«Горячий снежок/Hot Snowflakes» теле челленджыш ушнаш йодмашым 17 декабрь марте колташ лиеш. Тушко кеч-могай ийготан еҥ ушнен кертеш. Чылаже 3-5 еҥ дене икмыняр команде лийыт. Лу арня жапыште эн шуко километрым куржшо-влак сеҥышыш лектыт.
Ты таҥасымашыш ушнышо-влак кажне кечын телефон гыч скриншотым (экраным снималымаш) Вконтакте соцсетьысе «Горячий снежок/Hot Snowflakes» лаштыкыш колтышаш улыт. Тушто мыняр меҥгым куржмым ончыктыман. Арня мучашыште изирак иктешлымашым ыштат. 1-ше, 2-шо, 3-шо верлам да пӧръеҥ ден ӱдырамаш-влак коклаште личный зачётышто сеҥыше-влаклан шарнымаш пӧлекым кучыктат.
Йодмашым inkpen@mail.ru электрон почтыш колтыман. Команде-влакын составышт дене 19 декабрьыште палымым ыштат. Лекше йодышым рашемдаш телефон номер: +7 929 733-07-74.