Москосо Александровский садыште Палыдыме салтакын шӱгарже гыч Курымашлык тул ужашым Марий Элыш конденыт.
Почётан миссийым Россий Герой Дамир Шаймардановын аваже Ирина Викторовна шуктен.
Калык фронтын «Газпром» ПАО дене пырля эртарыме «Огни Памяти» тӱнямбал патриотический акцийже дене келшышын, Ирина Викторовна лампадым налын. Туддеч ынде кушкыжмын, 6 майыште, 10 шагатлан Медведево посёлкысо Воин чап мемориал воктене Курымашлык тул чӱкталтеш.
Палыдыме салтакын шӱгарже гыч тулым Российысе 130 утла олашке да 21 элыш (Белоруссийыш, Болгарийыш, Венесуэлыш, Замбийыш, Израильыш, Индийыш, Кипрыш, КНДР-ыш, Сербийыш, Абхазийыш…) намиен шуктат.