Марий Элыште илыше-влакым «Курымашлык полк» онлайн-акцийыш ушнаш ӱжыт
Тушко ушнаш йодмашым 6 май марте колташ лиеш. Республикысе кажне еҥ шке еш геройжо нерген каласкален да «Курымашлык полк» акцийыш онлайн формат дене ушнен кертеш.
Ветеранын фотосӱретшым 2025.polkrf.ru. сайтыште вераҥдыман. Сервис тыгак фотосӱретым уэмдаш, тӱсым ешараш полша. Онлайн-шествий акцийын официал сайтыштыже 9 майыште лиеш.