Марий Элыште эпидемиологий нелылыклан кӧра, Май пайрем ошкылмаш огеш лий. Кугу Отечественный сарыште Сеҥымылан 76 ий темме лӱмеш парад Йошкар-Оласе уремла дене эрта, а «Курымашлык полк» акцийым онлайн режимыш кусарат. Нине увер дене Марий Элым вуйлатыше Александр Евстифеевын официальный Инстаграм лаштыкыштыже палдара.
«Тений Шошо да паша пайрем демонстрациий деч посна эрта. Йошкар-Олаште 9 майыште – Сеҥымаш Кечын – военный парад лиеш. А калыкын йӧратыме «Курымашлык полк» акцийже онлайн форматыш кусна», — каласен республикым вуйлатыше.
Ончылно – лу каныш кече. Шукынжо пӱртӱсыштӧ але пакчаште жапым эртарт, паркыш лектын кошташ кумылаҥыт. Роспотребнадзор калыклан тӱткӧ лияш темла, маскым чияш да калык коклаште лийме годым дистанцийым кучаш темла.
Ушештарена: шушаш Йошкар-Олаште Сеҥымаш парадыште 1826 еҥ але 35 расчёт ошкыл эрта. Парад 9 майыште 11 шагатлан тӱҥалеш.