Сеҥымаш кечын «Курымаш полк онлайн» радамыште сеҥышына-влакым ме уэш ужын кертына!
Марий Элыште 80 ий ончыч тӱням фашизм деч утарыше родо-тукымжо-влак нерген шарнымашым кажне еш переген арала. Ме чыланат Геройна-влак ончылно пӧртылташ лийдыме парыман улына, нунылан кӧра кызыт эрыкан элыште илена, да нунын подвигышт нерген кузе-гынат шуко еҥ пален налже манын тыршышаш улына.
Тыгай йӧным ий еда чумыр российысе акций пуа, тудо мемнан сеҥышына-влакым кугу курымаш полкын стройыштыжо 9 майыште ужаш йӧным ышта.
Тушко ушнаш йодмашым 6 май марте колташ лиеш. Республикысе кажне еҥ шке еш геройжо нерген каласкален да «Курымашлык полк» акцийыш онлайн формат дене ушнен кертеш.
Ветеранын фотосӱретшым 2025.polkrf.ru. сайтыште вераҥдыман. Сервис тыгак фотосӱретым уэмдаш, тӱсым ешараш полша. Онлайн-шествий акцийын официал сайтыштыже 9 майыште лиеш.