16 октябрьыште 100 ияш юбилей пайремжым А.А.Танакаева палемден.
Анастасия Арсентьевна Киров кундем Яраҥ районысо Марий Ушем ялыште шочын-кушкын. Туштак марлан лектын. Ныл шочшым ончен-куштен. Ӱмыржӧ мучко колхозышто тыршен. Кызыт икшыве да уныкаж-влак дене Медведево районышто ила.
Анастасия Арсентьевнан эн кугу ӱдыржылан 80 ий, а эн кугу уныкажлан – 56 ий.
Чапле лӱмгечылан шочшо-уныкаже-влак теве тыгай пӧлекым (фотошто) ямдыленыт – палдара Надежда Никитина шке лаштыкыштыже.
А.А.Танакаева нерген кумданрак 16 октябрьыште лекше номерыште Эльвира Терентьеван материалжым лудса.
Ушештарена: газетым электрон йӧн денат лудаш лиеш. Тидлан сайтыште улшо кевыт полша.
Интернет гыч налме фото.