Шереметев замкысе (Юрино посёлко) Кугу гостинныйысе каминыш 19 августышто тулым пыштеныт. Пытартыш гана XIX курымын индешлымше ийлаште веле каминыш олтеныт улмаш.
Шке жапыштыже тудо залыште бал-маскарад, музык кас-влак эртаралтыныт.
ПАЛЕМДЫМАН
Шереметев ешын ты замкыште илымыж годым камин вес тӱрлӧ лийын. Каминым кок могыр гыч статуй сӧрастарен: шола могырышто «Атлант», пурлаште — «Кариатида».