Кодшо кечылаште Т.Евсеев лӱмеш тоштерын филиалыштыже, Калык-прикладной сымыктыш тоштерыште, уста кидмастар Ф.Н.Шестакован «Тошты овуцавлӓ семӹнь» («Сохраняя традиции») выставкыже почылтын. Тудо уста кидмастарын 65 ияш лӱмгечыжлан пӧлеклалтын да май мучаш марте шуйна.
Фелония Николаевна – Курыкмарий кундемын шочшыжо. Тудо изинекак тӱрла, тидлан коваже, аваже туныктеныт. Кугеммеке, тӱрым профессионально тӱрлаш да шымлаш тӱҥалын.
Тидлан «Труженица» фабрикыште ыштымыжат полшен. Чынжым гын, заказ шуко улмылан кӧра ятыр тӱрлызӧ мӧҥгыштыжак тӱрым фабрикылан тӱрлен. Фелония Николаевнат тыгак ыштен. Козьмодемьянскысе музейный комплексыште тыршымыжат тӱрым почаш да шымлаш таратен.
Ик жап тошто курыкмарий тӱр йомаш тӱҥалын ыле. Фелония Николаевна тошто тӱр-влакым ял еда поген коштын, фото, зарисовко-шамычым ыштылын, шымлен. Тӱр-шамыч гыч эсогыл панно гайым ямдылен. Икмыняр коллекцийжым ты тоштерлан пӧлеклен.
Статьям мучаш марте 11 мартыште лекше номерыште «Кырык сирем» лаштыкыште лудса.
Марина ПОЧТЕНЕВА.