7-8 апрельыште Йошкар-Оласе «Юбилейный» спорткомплексыште тунемше-влак коклаште волейбол дене «Серебряный мяч» соревнованийын регионысо йыжыҥже эртен.
Тушто ӱдыр ден рвезе-влакын командышт таҥасеныт. Ӱдыр-влак коклаште С.Н.Сивков лӱмеш Козьмодемьянск оласе 3-шо №-ан школын ӱдыржӧ-влак сеҥеныт. «Серебряный мяч» Российысе соревнованийышке логалаш манын, 12-15 апрельыште нуно Угарман кундемысе Бор олаште отборочный соревнованийыште таҥасат.