29 апрельыште Ханты-Мансийскысе «Торум Маа» этнографический тоштерыште ончер почылтын.
Тушто кумыж дене ыштыме да сукно гыч ургымо арвер-влакым чумырымо.
Нуным кече сӱрет дене сӧрастарыме, сандене коллекцийым «Орнамент Солнце» манын лӱмдымӧ. Калык усталык творчествын историйыштыже кече кугу верым налеш, орнаментлаште ончыкталтеш. Угор калыкын йӱлаштыже кече – ӱдырамаш, тудын чурийже. Кече йыр оҥго семын коймым ӱдырамаш ӱпшым шереш маныныт.