Сыктывкарыште межэтнический журналистике школыш тунемше-влакым погат. Тений курс-влак сентябрьыште тӱҥалыт да кок тылзе наре шуйнат. Нуно В.Д.Поленев лӱмеш РФ финн-угор тӱвыра рӱдерын конференц-залыштыже эртат.
Школышто оксам тӱлыде туныктат. Тушко этнотӱвырам шымлаш кумылан 18 гыч 30 ияш марте самырык ӱдыр-рвезе-влакым вучат. Тидлан 15 сентябрь марте p.romanova@mail.ru электрон адресыш серышым колтыман, собеседованийым очно але онлайн йӧн дене эртыман. Российысе вес регионласе тыгаяк школышто тунемаш кумылан-влаклан серышым school@nazaccent.ru.электрон почтыш возыман.