9-13 сентябрьыште Болгарийыште высокоскоростной телеграфий шотышто 19-ше тӱнямбал чемпионат эртен. Йошкар-Ола гыч тушко Данила Василенко миен коштын.
Тудо 3 ончыл верым налын. Рвезе республикысе йоча да самырык-влакын технический усталык рӱдерыштышт нылымше ий тунемеш. Туныктышыжо – О.П.Дубникова. Рвезе радиоспорт шотышто Российысе таҥасымашлаште чӱчкыдын сеҥен, Россий сборный командын еҥжылан шотлалтеш.