Кок гана эртыше «Краски города» стрит-арт фестивальын лектышыже Йошкар-Оласе икмыняр полатын пырдыжшым кызытат сӧрастарат. Тыгай пырдыж-влак фотом ышташ йӧратыше еҥым сымыстарат да турист-влакын маршрутышкышт пурталтыныт.
Ынде фестивальым кумшо гана эртараш шонат. Мероприятийын организаторжо граффити- художник Илья Беловын ойлымыж почеш, кумылан кажне еҥ шкенжым художник семын терген кертеш. Йошкар-Олан администрацийыштыже палемденыт: фестиваль годым мастер-класс, кумдан палыме сӱретче-влак дене вашлиймаш, эскизым ямдылыме конкурс да молат лийыт. Мероприятий кумданрак эртыже манын, Илья Белов организатор-влаклан полышым пуаш кумылан еҥ-влакым кычалеш. Утларак информацийым https://planeta.ru/campaigns/u_colorz ссылке почеш муаш лиеш.
Ирина Александрова.