Кумирет дене вашлийнет?

Фотом newlife48.ru сайт гыч налме.

5-20 декабрьыште Российыште макулатурым погымо #БумБатл акций эртаралтеш.

Тудын годым макулатурым переработкыш сдатлыман. Шуктымо пашам фотош але видеош войзыман, #Бумбатл, #нацпроектэкология хештег-влакым кучылтман да шке кумирым палемдыман. Тылеч вара акцийын официальный сайтыштыже йодмашым кодыман, туштак участникын сертификатшым пуат.

Акцийым 25 декабрьыште иктешлат. Лу эн ойыртемалтше постын авторжым да эн шуко макулатурым погышо кум тунемме тӧнеж ден компанийым палемдат.

Сеҥыше-шамычлан кумдан палыме еҥ-влак дене онлайн-вашлиймаш-влак лийыт. Акций нерген бумбатл.рф сайтыште утларак лудса.

 

2-шо лаштыклан уверым И.Александрова, Е.Иванова, Э.Терентьева, И.Ямбаршева ямдыленыт.