6 апрельыште Йошкар-Оласе йоча да самырык-влакын усталык полатыштышт «Живая классика» сылнын лудмо Российысе конкурсын регионысо йыжыҥже эртаралтын.
Тушко 10 ияш гыч 17 ияш марте 40 йоча ушнен. Нуно прозын посна ужашыжым рушла да марла лудыныт. Участник-шамычын мастарлыкыштым литературым сайын палыше, поэт, писатель, актёр, туныктышо-влак акленыт.
Марла лудшо-влак коклаште сеҥышыш лектыныт: Шернур посёлкысо Совет Ушем Герой А.М.Яналов лӱмеш 1-ше №-ан школ гыч А.Прохорова, Морко посёлкысо 1-ше №-ан школ гыч А.Алексеев, У Торъял район Тошто Торъял школ гыч Е.Мамаева.
Рушла лудшо-влак коклаште ончыл верым налыныт: Звенигово районысо Красногорский 2-шо №-ан школ гыч Е.Запевалова, Йошкар-Оласе 27-ше №-ан школ гыч В.Михайлов да Т.В.Иштрикова лӱмеш «Синяя птица» гимназий гыч М.Торощина. Тиде кум тунемше «Артекыш» кая.