Марий Элым Вуйлатыше Ю.Зайцев республикыштына медицине пашаеҥ-шамычлан ик гана тӱлыман выплатым пеҥгыдемден. Тудын кугытшо – кум миллион теҥге.
Марий Элысе Тазалык аралтыш министерстве кундемыштына эн кӱлешан специалист-влак спискым ямдыла. Тудын дене келшышын, пашаеҥ-шамычын илыме условийыштым саемдаш окса ойыралтеш. Тидлан 55 ийыш шудымо, кӱшыл шинчымашым налме деч вара икымше гана пашаш пурышо але пашам вашталтыше (тылеч ончыч вич ий наре медицине аланыште тыршыдыме) медицине пашаеҥ йодмашым пуэн кертеш. Ойырымо окса дене пашаеҥ кушто пашам ышта, тушто илыме верым налшаш. Договор почеш, выплатым налмеке, пашаеҥ лу ий наре ик верыштак пашам ыштышаш.