6-13 сентябрьыште Евпаторий оласе «Эволюция» спорт рӱдерыште «ПараКрым-2021» фестиваль эртаралтын.
Марий Элын командыже тушеч сай результат дене пӧртылеш. Виталий Курзенёв штангым нӧлтымаште, Антон Глушков иймаште да Евгений Данилов ӱстембал теннисыште кокымшо верым налыныт! Тушко таҥасаш 50 кундем гыч начар тазалыкан еҥ-влак миеныт. Нуно куржталмаш, дартс, штангым нӧлтымаш, иймаш да ӱстембал теннис да моло видыштат шке вийыштым тергеныт. Марий Эл гыч мийыше моло участникынат результатышт уда огыл: Максим Новожилов иймаште, а Владимир Таникеев ӱстембал теннисыште 4-ше верыш лектыныт. Сеҥымашышт дене саламлена!