Кум йӧн пуалтеш

Кызыт шукын Интернетлан эҥертат. Интернет-кевыт гоч вургемым, кочкышым, быт техникым да молымат налыт. Ынде тӱрлӧ йодмаш ден документым тӱрлӧ ведомствыш икмыняр гана миен коштде ышташ лиеш.

МВД-н миграций шотышто Марий Эл Республикысе управленийже кугыжаныш услугым налаш кум йӧным темла:

  • миграций шотышто йодыш-влак дене подразделенийыш шке каяш;

  • Кугыжаныш услугым пуымо шуко функциян рӱдерлашке (МФЦ) мияш;
  • Кугыжаныш да муниципальный услугым пуымо единый порталыште (www.gosuslugi. ru) йодмашым кодаш.

Интернет йӧн дене йодмашым пуымо жапым да оксам аныкла. Тыге, мутлан, портал гоч йодмашым пуымо годым кугыжаныш пошлиным 30%-лан шагалрак тӱлыктат. Порталыште йодмашым пуаш манын, ондак регистрацийым эртыман. Тидлан паспорт, СНИЛС, электрон почто адрес да телефон номер кӱлыт. Шке ыштен огыда керт гын, МФЦ-ыш полышым йодын мияш лиеш.

Шукыж годым порталыш паспортым вашталташ, загранпаспортым ыштыме, илыме вер почеш учётыш шогалме але кораҥме йодмаш-влак пурат.