Запорожский область Куйбышевский районысо Розовка посёлкышто иза-шольо шӱгарлаште 560 совет салтак курымашлык омо дене мала.
1952 ийыште тышке кандаш селасе посна тойымо верла гыч салтак-влакын лулегыштым конденыт. Тунамак шӱгарлаш обелискым ыштеныт. Тудо тӱрлӧ национальностян кум ойгырышо авам ончыкта. Верысе калык ты скульптурым «Кум акак-шӱжарак» манеш.
Шукерте огыл Марий Эл гыч бригаде мемориалым шотыш кондаш полшен. Печыште штукатуркым уэмденыт, шелшым да катлен вочшо ужашым петыреныт, вара чиялтеныт.
Куйбышевский район администрацийын архивше гыч налме фото.