Шернур районышто «Кукнурын кечыже» пайрем йӱлашке савырнен да тений тудо 30-шо гана эртаралтын.
Уна-влакым спорт модмаш, кудо конкурс, ораваште кудалыштмаш, фотоончер да молат вученыт. Пайрем ӱстембалым марий кочкыш дене теменыт. Кажне гана футбол лиеш, ты гана модмо пасумат кугемдыме. А сеҥеныт оза-влак! Ты сеҥымашым футболист-влак СВО-што геройла колышо йолташышт Павел Конаковлан пӧлекленыт. Финал «Союз-Кукнур» ден «Нива» команде-влак коклаште лийын, голым Марий Эл чемпионатын ондакысе бормбардирже Д.Емельянов пуртен. Тылеч посна самырык кидмастар-влакын пашаштым налаш лийын.