Кугыжаныш премий дене!

 

 

Марий Элым вуйлатышын Указше почеш 2020-2021 ийлаште Литератур, сымыктыш, архитектур, науко да технике областьлаште кугыжаныш премийым налше-влакын лӱмышт пале лийын.

Литератур областьыште С.Г.Чавайн лӱмеш премийым прозаик А.Петровлан «Саликан пиалже» книгажлан кучыктат; изосымыктышыште А.В.Григорьев лӱмеш премийым – сӱретче Г.Петуховлан «Утка» да «Пеледыш пайрем» триптихшылан: «Марла гармонь», «Шӱвыр», «Тӱмыр»;

музыкальный да калык художественный усталык областьыште И.С.Палантай лӱмеш премийым – Всемарийский йоча хорым да Всемарийский йоча оркестрым ыштымылан хорын дирижёржо Л.Семёновалан, концертмейстер Л.Юшковалан, оркестрын дирижёржо-влак А.Майков ден Н.Мантусовлан; «Марий мурсем» фольклор ансамбльым вуйлатыше Р.Алексеевлан «Илыш икте» концертшылан; театр сымыктышыште – М.Шкетан лӱмеш премийым Чаба Секейын «Цветок шахт» пьесыж почеш шындыме «Илена-йӱлена» спектакльлан режиссёр-постановщик Р.Алексеевлан, художник-постановщик С.Таныгинлан, актёр-влак А.Асмаевлан, М.Воронцовалан да А.Ивановлан;

архитектур ден чоҥымо пашаште А.А.Суриков лӱмеш премийым – «Медведевская ПМК» кооперативын председательже Ю.Васенёвлан да тӱҥ инженерже С.Уйрановлан, «Марийскгражданпроект – базовый территориальный проектный институт» АО-н архитекторжо В.Горбаньлан Я.Эшпай лӱмеш Марий кугыжаныш филармоний полатым чоҥымылан;

естественный да гуманитарный науко нерген научный публикаций областьыште М.Н.Янтемир лӱмеш премийым – «Нормативные, правовые и технические основы разработки и применения динамических методов и средств контроля двигателей и приводов вращательного действия» монографийлан учёный-автор-влак А.Егоров ден А.Спиридоновлан; «Словарь сравнений марийского языка» савыктышлан автор-влак Л.Абукаевалан, А.Чемышевлан да А.Митрусковалан (ФОТОШТО);

ялозанлык производствышто В.П.Мосолов лӱмеш премийым – каза шыл дене полуфабрикатым ямдылен лукмылан Шернур сыр заводын специалистше-влак С.Кузнецовалан, С.Лоскутовлан; «Чай Руси» ООО-н гендиректорын алмаштышыже А.Разумовлан иван-чайым ыштен лукмылан;

промышленный производство, транспорт да связь областьыште С.И.Вавилов лӱмеш премийым – чодырам химий дене обрабатыватлаш механизмым ыштымылан да тудым пайдалын кучылтмылан проект вуйлатыше-влак Е.Царёв ден С.Анисимовлан, учёный-влак К.Рукомойников ден Т.Конюховалан, инженер-технолог А.Креневлан; радиолокаторын антенный постшылан конструкторлык документацийым ямдылымылан да тудым ыштен лукмылан ММЗ-ын «Коралл» научно-технический рӱдержын специалистше-влаклан С.Костинлан, П.Никольскийлан, С.Рябцевлан, М.Сайфутдиновлан, М.Смирновлан; микросборкын шкешотан корпусшым производствыш колтымылан ЗПП-ын специалистше-влак Ш.Шугаеповлан, Т.Одинцовалан, В.Поздеевлан.

Фотом Интернет гыч налме.