Кугу вӱдшор годым кузе лийман? Мом ыштыман?
Шошым кугу вӱдшор тарвана, вӱд ташла, кудывечыште, уремыште, зданийын икымше пачашыштыже, пӧртйымалныже вӱд налеш.
Вӱдын ташлымыж нерген колмеке, тидым лишыл еҥлан, пошкудо-влаклан каласыман, илалше ден черле-влаклан полышым пуыман.
Кугу вӱдшор лийшаш нерген шижтарыме годым пӧртыштӧ (пачерыште) вӱдым, газым, тулым йӧртыман, коҥгаште тулым чарыман, шергакан арверым кӱшыл пачашыш кӱзыктыман, окнам, омсам сайын тӱчман.
Эвакуаций тӱҥалме нерген сигналым налмеке, писын гына документым (германтичный упаковкышто), шергакан арверым, эмым, вургемым, келшыше йолчиемым, икмыняр кечылан шапаш кочкышым погыза да пырля налза. Вара эвакуационный пунктыш кайыман. Тушто лӱдыкшыдымылык районлашке кусараш тӱҥалыт.
Вӱд ташлыме годым полышым налме деч ончыч:
- селаште але частный секторышто вӱд налме лӱдыкшӧ уло гын, вольыкым вес верыш кусарыман;
- кӱкшака, лӱдыкшыдымылык уке верыште полышым вучыман;
- утарыше-влаклан еҥ-влакым жапыштыже муаш полшыман: волгыдо годым кӱкшака верыш волгыдо куэм ужашым сакыман (мутлан, чевер солыкым), пычкемыш годым волгалтарыше сигналым пуыман (тулотым ыштыман, фонарьым ылыжтыман, фонарикым чӱктыман).
Вӱд налме верыште вӱдыш логалме кочыкышым кочман огыл, шолтыдымо вӱдым йӱман огыл. Кеч-могай туткар годым шкем тыматлын кучыман да писын ыштыман.
Вӱд ташлыме пытен.
Тыгай годым, пӧртыш пурен, омсам, окнам почман, пӧлемыште тулым ылыжтыман огыл, электросетьым тергыме деч ончыч тулым, электроприборым чӱктыман огыл.
Марий Эл Республикысе Гражданский обороно да калыкым аралыме комитетын полшымыж дене ыштыме.