Эртыше кечылаште Кужэҥер район Кугу Тумньымучаш селаште «Кече» санаторийыште Иван Кошкиным шарныме лӱмеш мини-футбол дене турнир эртаралтын.
Тений тудо кумшо гана лийын. Иван Степанович Кошкин ‒ Кужэҥер район, Окашъял ялын шочшыжо. Коҥганур школ деч вара Н.К.Крупская лӱмеш Марий кугыжаныш пединститутышто шинчымашыжым пойдарен. Физкультур дене туныктышылан тыршен. Советский районысо КПСС райкомын организационный пӧлкажын инструкторжо лийын, Кугыжаныш лӱдыкшыдымылык комитетыште тыршен.
Чылаже кум команде чумырген: Тумньымучаш ялын «Россия» командыже, Торъял районын – «Тошто Торъял» да И.Кошкинын родо-тукымжын – «Кошкинмыт еш». Чыла спортсмен сайын модаш тыршен, куснылшо кубокым сеҥен налаш шонен. Тений «Россия» командылан пиал шыргыжалын.
«Россия» ФК тӱшка гыч налме фото.