Марий Эл республикыште пеш кугу тулазап лӱдыкшӧ
Шокшо шыже игече да йӱр шукертсек лийдымылан кӧра 18 сентябрь гыч республикнан кумдыкыштыжо пӱртӱс пожар лӱдыкшын V классше палемдалтеш.
Марий Элым Вуйлатыше Юрий Зайцев калык дек чодыра пожарым ышташ огыл манын йодмаш дене лектын. Тыгак республикысе Пӱртӱс аралтыш министерстве еҥ-влакым 22 сентябрь марте чодырашке да турнявӧчыж куплашке коштмо деч шекланаш йодеш.
Ушештарена: кызыт чодыраште тулым ылыжташ, йӱлаш тӱҥал кертше шӱкым кодаш поснак огеш йӧрӧ. Пожар лӱдыкшыдымылыкым пудыртымылан штраф – 40 деч 50 тӱжем теҥге марте.
Чодыраште тӱткӧ лийза! Пӱртӱсым аралыза!