8 июльышто Еш, йӧратымаш да ӱшанле улмо пайрем годым Йошкар-Оласе Патриарший площадьыште эн кугу тортым ыштат.
Тыгай шере пӧлекым «Теплая речка» трактирын вуйлатышыже Иван Антропов да тудын кулинарже-влак ямдылат. Торт висвис пеледыш форман, 500 кг нелытан лиеш, 6,875 кв.м кумдыкым налеш.
Ты тортым рекордыш шумо нерген тӱнямбал реестр эксперт Маргарита Железнова аклаш тӱҥалеш. Тортым чыланат тамлен ончен кертыт.