17-21 октябрьыште Пошкырт Республик Стерлитамак олаште всестилевый каратэ дене тӱнямбал да Россий таҥасымаш-влак, тыгак тӱнямбал фестиваль лийыныт. Тушко элнан 38 регионжо да 17 эл гыч 2600 утла спортсмен ушнен.
Марий Элын командыже Российысе таҥасымашыште нылытым, тӱнямбал таҥасымашыште кок призовой верым налын.
Тӱнямбал таҥасымашыште кумшо вер дене Н.Комиссаров, Г.Хоцей палемдалтыныт.
Российысе таҥасымашыште кумшо верым Ф.Заньков, Д.Фирсов налыныт, кокымшо верым А.Карнилова, Б.Белоусов суленыт.
«Спорт в Марий Эл» ВК-се тӱшка гыч налме фото.