15 сентябрьыште Йошкар-Олаште «Танцуй и пой, моя Россия!» калык да сценический сымыктыш VIII Российысе фестивальын регионысо йыжыҥже-влак тӱҥалыт.
Тенийысе фестивальын темыже Кугу Ачамланде сарыште сеҥымылан 80 ий теммылан пӧлеклалтын. Садлан конкурсышто военный да патриотический муро-шамычым аклаш тӱҥалыт. Сеҥыше-шамычым куд тӱрлӧ йыжыҥыште ойырат. Кажне йыжыҥыште сеҥыше участник фестивальын гала-концертыштыже выступатлаш тӱҥалеш. тудо 5 декабрьыште Кремльыште лиеш.