Кугу фольклор да этнографий экспедиций

Фотом marimedia.ru сайт гыч налме.

Кызыт Марий Элыште фольклор да этнографий дене кылдалтше экспедиций эртаралтеш.

Марий Эл Республикысе тӱвыра, печать да калык-влакын пашашт шотышто министр Константин Иванов экспедийцийын участникше-влак дене вашлийын.

Шымлыме пашаш Россий науко академийын Уралысе пӧлкажын Историй да археологий институтшын Пермьысе филиалже гыч вич специалист ушнен. Группым РАН-ын член-корреспондентше, историй доктор, профессор Александр Черных вуйлата. Кугу проектым В.Поленов лӱмеш Российын калык творчестве Пӧртшӧ возен.

Шымлызе-влак калык кидмастар-влакын пашаштым, фольклорым да пайрем йӱлам погат. Нуно Оршанке районыш миен коштыныт. Умбакыже Килемар, Юрино, Шернур, Морко да У Торъял кундемлаш унала пураш шонат.