Ирина ПРОКОПЕНКО, Пошкырт кундем:
– Мыйын авам Адусия Менылиевна Муратова Калтаса район Тӧлдӧ ялеш шочын-кушкын, тыштак ила. Рвезыж годым Иваново олаште текстильный фабрикыште ыштен. Ковам шкетын кодмеке, ялышке пӧртылын. Фермыште ушкалым лӱштен, презым ончен. Кызыт пенсийыште.
Тудо пидаш, тӱрым тӱрлаш пеш йӧрата. Мый кугешнем шке йӧратыме авам дене. Фотошто авам дене пырля ме кум ӱдыржӧ: Ирина, Марина, Вероника – улына.