МарНИИЯЛИ ден «Кугарня» газет» кугыжаныш предприятий коклаште Соглашенийым подписатлыме деч вара.«Кугарня» газетын тошто номерже-влакым цифроватлаш тӱҥалме. Ты пашам шукташ Йылмым, литературым, да историйым шымлыше В.М.Васильев лӱмеш шанче институт полшаш тӱҥалеш. Пырля пашам ышташ келшыме шотышто 20 июльышто Соглашенийым подписатлыме.
Келшымаш документым подписатлыме годымак ончыкылан икмыняр планым палемдыме: самырык-влакым шымлымаш пашашке кумылаҥдаш манын, конкурсым увертараш, ученый-влакын пашаштым газетыште утларак ончыкташ, пырля экспедицийыш лекташ да молат.
