Таче М.Шкетан театрыште Вячеслав Абукаев-Эмгак лӱмеш «Ший памаш» конкурсым иктешленыт.
«Эн сай журналист паша» номинацийыште «Виш чон» премий дене «Кугарня» газетын журналистше Елена Годунова ден «Волжские вести. Юл увер» газетын корреспондентше Лилия Николаева палемдалтыныт.
«Эн сай поэзий» номинацийыште «Кинде шинчал» премий дене Андрей Николаев ден «Ямде лий» газетын пашаеҥже Христина Александрова ойыртемалтыныт.
«Эн сай теле-, радиожурналист» номинацийыште «Канде толкын» премий дене Марий Эл радион пашаеҥже Жанна Федорова сеҥен.
«Эн сай драматургий» номинацийыште «Кайыккомбо кашта» премий дене Анжела Михайлова-Тимоева эн виян лийын.
Сеҥыше-влакым уло кумылын саламлена!