Школышто тунемше-влакын Россий кӱкшытан олимпиадын иктешлыше этапше мучашлалтын. Тудо тений «Молодёжь и дети» национальный проект почеш икымше гана эртаралтын. Марий Элысе тунемше-шамыч чапле результат дене ойыртемалтыныт: чумыр российысе рейтингыште 14-ше позицийыш кӱзеныт да регион-влак кокласе ТОП-30-ыш пуреныт.
Марий Эл гыч 20 тунемше Всероссийский кӱкшытыштӧ 19 общеобразовательный предмет дене регионын чапшым арален, да 6 еҥже олимпиадын призёржо лийын. Тиде – Дарья Гвоздева, Федор Михеев (Бауманский лицей), Даяна Валиева, Наталья Москвичева (Т.В. Иштрикова лӱмеш «Синяя птица» гимназий), Степан Дорогов (Политехнический лицей-интернат), Дарья Костина (5-ше №-ан Волжский школ).