19 февральыште Федераций Советыште Российысе субъектлаште интеллектуал собственность шотышто йодышым ончен лекме.
Ты заседанийым Федераций Советын Председательже Валентина Матвиенко эртарен. Тушко Марий Элым Вуйлатышын кӱштымыж почеш республикысе Правительстве Председательын икымше алмаштышыже Е.Кузьмин ушнен.
Заседанийыште научно-технологический вияҥмаш шотышто кугыжаныш программе-влакым да квалифицироватлыме специалист-шамычым ямдылыме, регионласе бренд ден интеллектуал собственность шотышто пашам ыштыме йодышлам каҥашыме.
