4-8 октябрьыште Чебоксар олаште национальный единоборство дене тӱнямбал модмаш-влак лийыныт.
Спортын шым видше дене таҥасеныт: айкидо, ӱштӧ дене кучедалмаш, всестилевой каратэ, киокушин, мас-рестлинг, хапсагай, чувашла ӱштӧ дене кучедалмаш. Тыгак куд тӱрлӧ единоборство лийын: казакла рукопашный бой, ориентал, учкур, шахбокс, кыргыш курош.
Таҥасымашыш 25 эл гыч 2 тӱжем наре спортсмен, тренер, команде-влак, судья-шамыч погыненыт.
Икымше верым Российын, кокымшо верым Иранын, кумшо верым Кыргыз Республикын командышт налыныт.
Марий Элысе олимпийский резерв училищын студенткыже В.Сенникова всестилевой каратэ дене 2-шо верым сулен.