Кубок – Марий Элыште

1-5 октябрьыште Моско воктене спортивный туризм дене Виталий Кондратьев лӱмеш Российын Кубокшо эртен. Тушто Российысе тӱрлӧ регионла гыч 24 команде участвоватлен.

Таҥасымашын пытартыш кечынже команде-влак пешеходный дистанцийыште вийыштым ончыктеныт. Ӱдырамаш команде (Ксения Мубаракшина, Екатерина Николаева, Надежда Семёнова, Полина Волкова) икымше лийын. А пӧръеҥ команде (Рустам Урдяков, Михаил Тарасов, Игорь Михайлов, Георгий Дмитриев) кокымшо верыш лектын.

Общекомандный зачётышто Марий Элын командыже – икымше верыште. В.Кондратьев лӱмеш куснылшо кубок республикыштына толын.