Марий Элна экологий шотышто сай регион-влак радамыш Адыгей Республик, Севастополь ола, Кострома да Орёл областьла дене пырля пурен.
Тыгодым юж, вӱд, мланде да атмосферыш кудалтыме лавыра шотышто 2020-2021 ийласе данный-влакым налме. Еҥ-влакын тазалыкышт тиде показатель деч шога. Вӱд Калмыкийыште эн чот лавыран, Москошто – мланде уда. Экологий шотышто эн уда верлан Норильскым шотлымо. Тышкак Иркутск, Курган, Астрахань, Моско, Свердловск, Ростов, Челябинск область-влак, Хакасий, Бурятий, Забайкалье да Красноярский край логалыныт.