Курыкмарий район Эман селасе «Шанавӹл» фольклор ансамбль Крым Республикысе Судак олаш «Свадебный хоровод» национальный сӱан йӱла-влак фестивальыш миен коштын.
Тидын дене мыланна коллективын концертмейстерже да аккомпаниаторжо Арсений Яйцов палдарыш:
– Фестивальыште Российын тӱрлӧ лукшо гыч усталык коллектив-влак мастарлыкыштым ончыктеныт. Тушто фольклор модыш шотан программе, сӱан аралтышым ыштыме шотышто мастер-класс, «Судакысе ор» тоштер-заповедникыште гала-концерт лийыныт. «Шанавӹл» ансамбль (17 еҥ миен) курыкмарий сӱаным модын ончыктен. Ончышо-влак мемнам куанен вашлийыныт.
