Тений кеҥежым Крымыш канаш каяш шонышо-влак шукырак улыт. Тидлан кодшо ий мучаштак отельым бронироватлаш тӱҥалыныт.
Тений кум тылзыште 2023 ийысе тыгаяк жап дене таҥастарымаште кок пачаш шукырак отельлан оксам ончылгоч тӱлымӧ. Ятыр еҥ Крымын кечывал ужашым ойырен налын: Ялтам, Форосым, Алуштам, тыгак касвелкыла – Евпаторийым. Утларакшым еш канышлан келыштарыме инфраструктуран да посна пляжан верыш кайынешт. Эшежым ондак 5-6 йӱдым каненыт гын, кызыт – кокла шотышто кандаше.