У тунемме ийлан кеҥежымак ямдылалтман. Марий Элыште йоча-влакым ешартыш шинчымашым пуышо занятий, спорт секций але кружок-влакыш ончылгоч возалтме портал ышталтын.
Мӧҥгӧ гыч лекде, кажне ача-ава портал гоч йодмашым возен колтен кертеш. Тидлан Навигатор.Дети сайтыш https://р12.навигатор.дети ссылке почеш вончыман.
Сайтыште аккаунт уке гын, регистрацийым эртыман. Кызыт йоча-влаклан ешартыш шинчымашым пуышо 43 туныктымо тӧнеж пашам ышта. Нунын кокла гыч икмынярже августыштак икшыве-влак дене шогылташ ямде лийыт.