18 сентябрьыште Моско гыч Василий Суриков премиум-классан теплоход «Великий Волжский путь» маршрут дене икымше круизыш лектеш.
Российын 14 регионышкыжо пураш маршрутым палемдыме. Тиде радамыште Марий Эл Республикат уло.
22 сентябрьыште лайнер Козьмодемьянск олаш толеш. Тушто турист-влаклан ныл экскурсийым темлат. Тыгак нунылан Чебоксар гыч Йошкар-Олаш толаш йӧн лиеш.