Йошкар-Оласе «Дружба» стадионысо гимнастике рӱдерыште Михаил Васильевич Лаптевым шарныме лӱмеш спортивный гимнастике дене Марий Эл Республикын первенствыж дене чемпионатше лийыныт.
Таҥасымаш-влак спорт мастерлан (14-15 да 13 ияш юниорко-влак), икымше, кокымшо да кумшо спортивный разрядлан келыштаралтше программе-влак почеш эртаралтыныт. Таҥасымашын эн тале гимнасткыже семын Кристина Егоровам палемденыт. Сеҥыше да призёр-шамычым Марий Элысе Спорт да туризм министерствын дипломжо да медальже дене наградитленыт.
М.Лаптев – кундемыштына спортивный гимнастикылан вияҥашыже негызым пыштыше икымше еҥ. Спортын ты видше дене йоча да самырык-влаклан олимпийский резерв школын икымше директоржо, Марий Элысе физкультурын сулло пашаеҥже.
Марий Элысе гимнастике спортшколын архивше гыч налме фото.