Йошкар-Олаште илыше 36 ияш ӱдырамашын пачерже гыч телевизорым шолыштыныт. Тылеч ончыч оза пачер деч сравочым йомдарен улмаш. Тушто илыме верын адресше лийын. Ондак судитлалтше 44 ияш пӧръеҥ сравочым муын да, пачерыш пурен, телевизорым шолыштын.
Йошкар-Оласе Гагарин проспект ден Панфилов уремыте верланыше шуко пачашан пӧртлан подъездышт гыч велосипедым шолыштыныт. Кок вережат велосипедым йолыштен огытыл улмаш.
Йошкар-Олаште илыше 52 ияш пӧръеҥ борсеткыжым йомдарен улмаш. Тидын нерген тудо ик соцсетьыште уверым вераҥден. Вес кечын тудлан йыҥгыртеныт да сумкам мумылан оксам йодыныт. Пӧръеҥ шым тӱжем теҥге оксам аферист-влаклан колтен. Вара веле ондалалтмыжым умылен.