ЙОШКАР-ОЛАШТЕ илыше 37 ияш ӱдырамаш Интернет гоч поездыш электрон билетым налаш шонен, но шоя сайтыш логалын. Банк картын номерым палемден да смссерыш дене толшо кодым возен колтен. Тыге картше гыч 4000 теҥге окса йомын.
ЙОШКАР-ОЛАСЕ Карл Либкнехт уремыште верланыше ик пӧртын пачерыштыже эрдене вате-марий коклаште умылыдымаш лектын. Вурседылме годым ӱдырамаш 29 ияш пӧръеҥым кӱзӧ дене шуралтен пуштын.
ЗВЕНИГОВО олаште ГИБДД-н верысе пӧлкажым вуйлатышын сомылжым шуктышо И.Гаврилов, ДПС-ын кугурак инспекторжо-влак С.Жуковский ден К.Столяров Звенигово олаш пурымаште нарядыште лийыныт. Кевыт гыч куржын лекше пӧръеҥым да тудым поктышо кевытчым ужыныт. ГИБДД пашаеҥ-влак пӧръеҥым покташ пижыныт. Шолыштшын кидыштыже вич коробка шоколадный кампет лийын.
