Йошкар-Оласе ик дежурный частьыш 21 ияш ӱдыр йодмаш дене толын. Йолташ ӱдыржӧ-влак дене саунышто канымыж годым тудын сумкаже йомын. Шолыштшым кученыт. Ты верыштак каныше 19 ияш рвезе осал пашам ыштен улмаш.
Йошкар-Оласе Васильев уремыште верланыше пӧртысӧ 4-ше пачаш гыч пӧръеҥ камвозын да колен. Пачерыште пелашыже да пӧръеҥын палыме ӱдырамашыже лийыныт. Камвочмо амалым следствий пашаеҥ-влак рашемдат.
Йошкар-Оласе Воин-Интернационалист-влак уремысе 25-ше №-ан пӧртын подъездыштыже 39 ияш пӧръеҥым кӱзӧ дене шуралтеныт. Тудо ик шагат йӱдым шочмо кечыжым палемден пӧртылеш улмаш, пӧрт ончылно кок еҥ пӧръеҥым авырен. Тыгодым айдеме йӱшӧ лийын огыл.
Медведево районышто илыше 58 ияш пӧръеҥ шке пакчаштыже кынем куштен. Чылаже 28 вондо да 2,3 кг коштымо кыне лийыныт.