ЙОШКАР-ОЛАСЕ ик полиций пӧлкаш 22 ияш ӱдыр йодмаш дене толын. Интернетыште «Авито» сайтыш тувырым ужалыме нерген уверым пуэн. Ик жап гыч тувырым налаш кумылан еҥ серышым возен да «Авито Доставка» йӧн дене оксам колтем манын шижтарен, ссылкым колтен. Ӱдыр ты ссылкыш пурен, банк картын номержым, смс-серыш дене толшо кодым возен. Тыге картше гыч 14100 теҥге йомын.
ЙОШКАР-ОЛАШТЕ пӧръеҥ айлен илыме пачерыштыже наркотикым ямдылыме цехым ыштен. Наркотикым шаркалымым тергыше Марий Элысе управленийын пашаеҥже-влак ты пачерыште обыскым ыштыме годым 13 г мефедроным, 400 г наркотикым, ятыр сим-картым, телефоным да банк картым муыныт да 200 тӱжем теҥге оксам муыныт. Уголовный пашам тарватыме.
МЕДВЕДЕВО районысо ик сад участкыште 42 ияш пӧръеҥ кынем куштен. Тыгак 122 г коштымо кыне нӧшмӧ лийын. Тылеч посна лишыл вес элыште илыше йолташыжлан ты кушкылым колтен улмаш. Тиде уголовный дела почеш паша кая.